Մեր մասին

Դալան Տեխնոպարկն ապագայի աշխատավայր է ու կարևորագույն բիզնես հանգույց՝ նախատեսված ավելի քան 3000 աշխատակիցների համար

Դալանը ոչ միայն աշխատավայր է, այլ ամբողջական էկոհամակարգ, որտեղ օրական այցելուների կանխատեսվող քանակը շուրջ 5000 հոգի է։ Սա այն վայրն է, որտեղ աշխատանքն ու ժամանցը ներդաշնակության մեջ են լինելու։

Դալան Տեխնոպարկը եզակի է թե իր գաղափարախոսությամբ, թե որպես մոնումենտալ շինություն՝ բացառիկ ճարտարապետական, ինժեներական և կոնստրուկտորական լուծումներով։

Dalan Technopark-ի գաղափարախոսության հիմքում ընկած է 3 կարևոր բաղադրիչ՝ միջավայր, տարածություն և թթվածին։

Դրանք միասին ձևավորում են այն ամբողջական աշխատանքային փորձը, որտեղ արդյունավետությունն ու ստեղծագործական միտքը համադրվում են մարդու բարեկեցության հետ։

Միջավայր

Երբ համախոհ մարդիկ միավորվում են լավագույն աշխատանքային պայմաններ և հարմարավետ կառուցվածք ունեցող վայրում, ծնվում է միջավայր, որը խթանում է ստեղծագործական միտքը և բարձրացնում աշխատանքի արդյունավետությունը։

Տարածություն

Դալանում ստեղծում են ընդարձակ և հարմարավետ աշխատանքային տարածքներ՝ առողջության, շարժունության և արդյունավետ աշխատանքի համար։ Մեկ աշխատողի հաշվով նախատեսված է մոտ 15 քմ տարածք, ինչը գերազանցում է ոլորտային ստանդարտները։

Թթվածին

Տեխնոպարկի օդափոխության համակարգը ապահովում է թթվածնի օպտիմալ մակարդակ՝ խթանելով ուղեղի աշխատանքն ու արտադրողականությունը։ Համակարգը գործելու է Energy Recovery Ventilation (ERV) տեխնոլոգիայով՝ մշտապես ապահովելով թարմ օդի մուտք և նվազագույնի հասցնելով էներգիայի կորուստը։

Թվեր և փաստեր

Դալան Տեխնոպարկը եզակի է նաև որպես մոնումենտալ շինություն՝ բացառիկ ճարտարապետական, ինժեներական և կոնստրուկտորական լուծումներով։

Հայաստանում ամենամեծ կառուցապատման մակերես ունեցող շինությունն է՝ ավելի քան 154.000 քմ:
Հայաստանում միաժամանակ BOMA և LEED պահանջների պահպանմամբ կառուցվող միակ շինությունն է
Տեխնոպարկի յուրաքանչյուր աշխատակցին բաժին է ընկնելու 15 քմ տարածք: Այս պայմանները բացառիկ են մեր երկրի համար:
Հարկերից մի քանիսն ունեն 4500 քմ մակերես, ինչը նախատեսված է 350 աշխատակցի համար և կարող է համախմբել մեկ ընկերության աշխատակիցներին նույն հարկում:
Տեխնոպարկն ունենալու է 34.300 քմ A դասի գրասենյակային տարածք, ինչն ապահովելու է BOMA ստանդարտներին համապատասխան 3000 աշխատատեղ: Նման պայմաններով գրասենյակային տարածք չկա ՀՀ-ում:
Դալան Տեխնոպարկը, կառուցվելով որպես բիզնես կենտրոն, իր մեջ համատեղելու է նաև առօրյա կյանքի և ժամանցի կազմակերպման համար անհրաժեշտ բոլոր ենթակառուցվածքները՝

Մարզահամալիր

Լողավազան և SPA կենտրոն

Ռեստորաններ և ֆուդ կորտ

Առևտրի գոտիներ

Հյուրանոց

Ավտոկայանատեղի

Շենքի կառավարման համակարգը, ինժեներական ցանցերն ու կոմունիկացիաները իրականացվելու են BMS համակարգով՝ ապահովելով առավելագույն արդյունավետություն, հարմարավետություն և անվտանգություն։

Դալան Տեխնոպարկը հագեցած է լինելու նաև ժամանակակից և խելացի կառավարման համակարգերով, այդ թվում՝ նորարարական կառուցվածքային մալուխային համակարգով, հրդեհի հայտնաբերման և ահազանգման համակարգով, տեսահսկման, մուտքի վերահսկման, անվտանգության ազդանշանային, ձայնային ահազանգման և հանրային հաղորդման, բուժանձնակազմի կանչի համակարգերով։

Դալան Տեխնոպարկը մի վայր է, որտեղ աշխատանքը դառնում է հաճույք, բիզնեսը՝ առավել արդյունավետ, իսկ ներդրումը՝ հեռանկարային։

Դալան Տեխնոպարկի շինարարական աշխատանքները սկսվել են 2023 թվականի հունվարին։ Հիմնակմախքի 80%-ը պատրաստ է, 2 մասնաշենքերը միացված են, մեկնարկել է միասնական հարկերի շինարարությունը։
Նախագծի շինավարտը նախատեսվում է 2026 թվականի վերջին։